پاکستان کرکٹ ٹیم کے سابق ڈاٸریکٹر مکی آرتھر، ہیڈ کوچ گرانٹ بریڈ برن اور بیٹنگ کوچ اینڈریو پٹک اپنے اپنے عہدوں سے مستعفی ہوگئے۔

قومی کرکٹ ٹیم کے سابق ڈائریکٹر کرکٹ مکی آرتھر اور دیگر 2 غیر ملکی کوچز نے اپنے اپنے عہدوں سے استعفیٰ استعفیٰ دے دیا، تینوں کوچز نے اپنے استعفے پی سی بی کو بھجوا دیے۔

پاکستان کرکٹ بورڈ نے مکی آرتھر، گرانٹ بریڈ برن اور اینڈریو پٹک کے رول میں تبدیلی کرتے ہوے انہیں نومبر 2023 میں لاہور کی نیشنل کرکٹ اکیڈمی میں غیر ملکی کوچز کے فرائض سونپے گئے تھے، انہوں نے اپنے اپنے عہدوں سے استعفیٰ دے دیا ہے۔

اپریل 2023 میں مکی آرتھر کو پاکستان مینز کرکٹ ٹیم کا ڈائریکٹر مقرر کیا گیا تھا جبکہ گرانٹ بریڈ برن کو گزشتہ سال کے شروع میں پاکستان کی قومی ٹیم کے ہیڈ کوچ کے طور پر مقرر کیا گیا تھا جبکہ جنوبی افریقا کے سابق کرکٹر اینڈریو پٹک اپریل 2023 سے پاکستان کے بیٹنگ کوچ تھے۔

اپنے حالیہ دور سے پہلے مکی آرتھر 2016 سے 2019 تک پاکستان مینز کرکٹ ٹیم کے ہیڈ کوچ تھے جس کے دوران پاکستان نے آئی سی سی کی ٹیسٹ ٹیم کی درجہ بندی میں نمبر ون پوزیشن حاصل کی اور 2017 کی آئی سی سی چیمپئنز ٹرافی جیتی۔

بین الاقوامی کرکٹ میں مکی آرتھر جنوبی افریقا، آسٹریلیا اور سری لنکا کے ہیڈ کوچ کے طور پر بھی خدمات انجام دے چکے ہیں۔

57 سالہ گرانٹ بریڈ برن جنہوں نے 1990 سے 2001 تک 18 انٹرنیشنل میچوں میں نیوزی لینڈ کی نمائندگی کی۔ 2018 سے 2020 تک پاکستان مینز ٹیم کے فیلڈنگ کوچ کے طور پر خدمات انجام دے چکے ہیں۔

اس کے بعد انہوں نے اکتوبر 2021 تک نیشنل کرکٹ اکیڈمی میں ہائی پرفارمنس کوچنگ کا کردار ادا کیا۔

پاکستان ٹیم نے جب 2023 میں آئی سی سی ون ڈے انٹرنیشنل ٹیم رینکنگ میں نمبر 1 مقام حاصل کیا تو یہ پاکستان ٹیم کے ہیڈ کوچ تھے۔

تینوں کوچز نے پاکستان کرکٹ بورڈ کو جنوری 2024 کے آخر تک اپنی اپنی ملازمتیں چھوڑنے کے فیصلے سے آگاہ کیا تھا، یہ فیصلہ تمام اسٹیک ہولڈرز کے درمیان خوش اسلوبی سے کیا گیا، پی سی بی ان کی مستقبل کی کوششوں میں نیک تمناؤں کا اظہار کرتا ہے اور ان کی خدمات کا شکر گزار ہے۔

مزید پڑھیں

مکی آرتھر پاکستان کرکٹ ٹیم کے ڈائریکٹر مقرر

پاکستان کرکٹ ٹیم کے کوچ گرانٹ بریڈبرن نے استعفیٰ دے دیا

گرانٹ بریڈ برن 2 سال کیلئے پاکستان کرکٹ ٹیم کے ہیڈ کوچ مقرر