سندھ ہائیکورٹ میں اندرون ملک سے ویکسینیشن کے بغیر جانوروں کو کراچی میں داخلے اور غیر قانونی ٹیکس وصولی کے خلاف درخواست پرسماعت ہوئی۔

میئر کراچی مرتضیٰ وہاب، ٹی ایم سی گڈاپ، ابراہیم حیدری سمیت دیگر فریقین نے جواب جمع کرانے کے لیے مہلت مانگ لی۔

درخواست گزار کے وکیل عثمان فاروق ایڈووکیٹ کا موقف تھا کہ ویکسینیشن اور اسپرے کے بغیر جانوروں اور انسانوں میں بیماریاں پھیلنے کا خدشہ ہے۔

انھوں نے کہا مزید کہ ابراہیم حیدری اور گڈاپ ٹاؤن بغیر ویکسینیشن کے جانوروں کو شہر میں داخل ہونے کی اجازت دیتے ہیں۔

وکیل کے مطابق قانون کے مطابق جانوروں کی فروخت اور اندراج پر ٹی ایم سی ٹیکس وصول نہیں کر سکتا۔

عدالت نے فریقین کو چار ہفتوں میں جواب جمع کرانے کی ہدایت کرتے ہوئے سماعت ملتوی کردی۔