ترجمان وزارت صحت کے مطابق ملک کے 9 اضلاع سے 9 ماحولیاتی نمونوں میں پولیو وائرس کی تصدیق ہوئی ہے۔

وزارت صحت کے ترجمان نے بتایا کہ کوئٹہ، مستونگ، ملتان، پشاور، نوشہرہ اور حب کے ایک ایک نمونے میں وائرس پایا گیا۔

ڈی آئی خان ، کراچی میں ملیر اور جنوبی کے نمونوں میں بھی وائرس پایا گیا۔

ترجمان کے مطابق تمام نمونوں میں پائے جانے والے وائرس کا تعلق سرحد پار سے ہے۔

محکمہ صحت کا کہنا ہے کہ وائرس کی منتقلی کو روکنے کا واحد ذریعہ پولیو ویکسین ہے، پولیو سے بچاؤ کے قطرے پلا کر بچوں کو معذوری سے بچایا جاسکتا ہے۔