لاہور کے علاقے مناواں میں واقع نجی سوسائٹی میں فائرنگ سے امام مسجد کو قتل کر دیا گیا۔

ذرائع کے مطابق نامعلوم شخص نے مسجد میں داخل ہوکر امام مسجد پر فائرنگ کی جس سے وہ موقع پر ہی دم توڑ گیا۔

پولیس کے مطابق مقتول کی شناخت قاری محمد حنیف کے نام سے ہوئی ہے، ابتدائی طور پر قتل کی وجوہات سامنے نہیں آسکی ہیں۔

پولیس اور کرائم سین یونٹ کی ٹیم نے موقع پر پہنچ کر شواہد اکٹھے کرکے تحقیقات شروع کر دی ہیں۔