پاکستان پیپلز پارٹی نے ذوالفقار علی بھٹو کی سزائے موت کے خلاف صدارتی ریفرنس میں 108 صفحات پر مشتمل تحریری جواب سپریم کورٹ میں جمع کروا دیا۔

چیف جسٹس قاضی فائز عیسیٰ کی سربراہی میں 9 رکنی لارجر بینچ 8 جنوری کو ذوالفقار بھٹو صدارتی ریفرنس کیس کی سماعت کرے گا۔

بلاول بھٹو زرداری کی جانب سے وکیل فاروق ایچ نائیک نے تحریری جواب سپریم کورٹ میں جمع کروایا، جس میں مختلف کتابوں کے حوالہ جات موجود ہیں۔

جواب میں سابق چیف جسٹس نسیم حسن شاہ کے انٹرویو کی تفصیلات اور انٹرویو کی یو ایس بی اور سی ڈی بھی جمع کروائی گئی ہے۔

تحریری جواب میں انٹرویو کی انگریزی اور اردو میں ٹرانسکرپٹ بھی شامل ہے۔