پشاور میں ینگ ٹیچرز ایسوسی ایشن کا احتجاج رنگ لے آیا ، خیبرپختونخوا حکومت نے ینگ ٹیچرز ایسوسی ایشن کے مطالبات تسلیم کرلئے۔

محکمہ تعلیم کے مطابق 2018 میں بھرتی اساتذہ کو پینشن سے محروم نہیں رکھا جائے گا، اساتذہ کو جی پی فنڈ بھی دیا جائے گا۔

یاد رہے کہ اساتذہ کا دو روز سے پشاور میں اسمبلی چوک پر احتجاج جاری تھا، اساتذہ کو منتشر کرنے کیلئے پولیس نے لاٹھی چارج بھی کیا تھا۔

مظاہرین کا کہنا تھا کہ جب تک مطالبات منظور نہیں ہوتے احتجاج جاری رہے گا، انھوں نے اپنے مطالبات سے پیچھے ہٹنے سے انکار کیا تھا۔

مظاہرین اپنے مطالبات پر ڈٹے رہے تھے، احتجاج کے دوران ایجوکیشن ڈائریکٹوریٹ میں بڑی تعداد میں اساتذہ موجود رہے۔

مظاہرین کا کہنا تھا کہ گزشتہ پولیس نے نہتےاساتذہ پر لاٹھی چارج بھی کیا تھا، لیکن اس کے باوجود اہم اپنے حق کے لئے آواز بلند کرتے رہے تھے۔