نگراں وزیر اعظم کی جانب سے نامزد پاکستان ہاکی فیڈریشن کے صدر میر طارق حسین بگٹی نے فیڈریشن کے انتخابات کروانے کے لیے 5 رکنی نگراں کمیٹی بنادی۔

کمیٹی کے سربراہ صدر پی ایچ ایف ہوں گے جبکہ ہاکی کمیٹی میں بیرسٹر میاں علی اشفاق، سیدہ شہلا رضا، اولمپئن راؤ سلیم ناظم اولمپیئن، مصدق حسین اور میر ہمایوں عزیز کرد شامل ہیں۔

پاکستان ہاکی فیڈریشن کے ذرائع کے مطابق یہ کمیٹی پاکستان ہاکی فیڈریشن کے غیر جانبدار اور منصفانہ الیکشن کا انعقاد یقینی بنائے گی۔

صدر پی ایچ ایف کی جانب سے تفویض کیے گئے پی ایچ ایف کے معاملات کی نگرانی کرنا بھی کمیٹی کی ذمہ داری ہوگا۔

مزید پڑھیں

حیدر حسین کی جگہ رانا مجاہد پاکستان ہاکی فیڈریشن کے نئے سیکرٹری منتخب

پی ایچ ایف کا صدر اور سیکرٹری کی معطلی کے بعد اعتماد کا ووٹ لینے کا فیصلہ