تحریک انصاف چھوڑ کر ن لیگ میں شامل ہونے والے باسط بخاری کی اپنے حامیوں سے حلف لینے کی ویڈیو وائرل ہوگئی ہے۔

قومی اسمبلی کے حلقہ این اے 176، این اے 177 اور صوبائی اسمبلی کے حلقہ پی پی 272 اور 273 سے مسلم لیگ ن کے امیدوار باسط سلطان بخاری نے اپنے حامیوں سے قرآن پاک پر حلف لیا، جس کی ویڈیو وائرل ہوگئی ہے۔

ویڈیو کے حوالے سے باسط بخاری نے مؤقف پیش کیا ہے کہ سیاسی مخالفین ہمارے خلاف پروپیگنڈا کررہے تھے، جس پر سابق چیئرمینز نے حلف لینے کا مشورہ دیا تھا، ان کی خواہش پر حامیوں سے حلف لیا گیا ہے، کیوں کہ مخالفین کے پروپیگنڈے کا مؤثر جواب دینا تھا۔

واضح رہے کہ باسط سلطان نے حال ہی میں پی ٹی آئی کو خیرباد کہہ کر مسلم لیگ (ن) میں شمولیت اختیار کی ہے۔