اسرائیل نے مصری سرحد پر قبضے کی تیاری کرلی۔ قدس نیٹ ورک نے باخبر ذرائع کے حوالے سے بتایا ہے کہ اسرائیل نے اس سلسلے میں مصر کے حکام کو مطلع کردیا ہے۔ قاہرہ کو ہدایت کی گئی ہے کہ علاقے سے فوج نکال لے۔

ذرائع کا یہ بھی کہنا ہے کہ اسرائیلئ فوج نے مصر سے یہ بھی کہا ہے کہ سرحد پر قبضے کے دوران جو کچھ بھی ہوگا اس کے لیے وہ ذمہ دار نہیں ہوگی۔

غزہ کی بگڑتی ہوئی صورتِ حال کے پیش نظر اسرائیل نے مصری سرحد پر قبضہ کرکے اسے مکمل طور پر بند کرنے کا فیصلہ کیا ہے۔ اسرائیل نے خبردار کیا ہے کہ مصر کو منظور ہو یا نہ ہو، یہ عمل جاری رہے گا اور احتیاطی تدابیر اختیار نہ کرنے پر نتائج کا وہ خود ذمہ دار ہوگا۔

غزہ پر مکمل قبضے کی کوشش میں اسرائیلی فوج نے اس علاقے سے ملنے والے داخلی و خارجی راستے بند کردیئے ہیں۔ صہیونی فوج کی کوشش ہے کہ غزہ میں حماس کے مزاحمت کاروں کو کہیں سے بھی کمک نہ مل سکے۔