سپریم کورٹ میں عدلیہ مخالف تقاریر کے معاملے پر سابق وزیراعظم شہبازشریف، سابق وزیر دفاع خواجہ آصف، پیپلز پارٹی کی رہنما شیری رحمان اور دیگرکے خلاف توہین عدالت کی درخواست دائر کردی گئی۔

عدالت عظمیٰ میں دائر درخواست میں وفاق پاکستان اور الیکشن کمیشن کو بھی فریق بنایا گیا ہے۔

درخواست میں مؤقف اختیار کیا گیا ہے کہ مذکورہ افراد پارلیمنٹ میں عدلیہ سے متعلق امور زیر بحث لائے۔

درخواست میں استدعا کی گئی ہے کہ پارلیمنٹ میں عدلیہ مخالف تقاریر کرنے پر مذکورہ افراد کے خلاف آرٹیکل 62 (1) (ایف) کے تحت کارروائی کی جائے۔

توہین عدالت کی درخواست سپریم کورٹ کے وکیل ظہورناصر کی جانب سے دائر کی گئی ہے۔