نیپرا نے کے الیکٹرک صارفین کے لئے بجلی مہنگی کرنے کی درخواست پر فیصلہ محفوظ کرلیا۔

کراچی کے بجلی صارفین کے لئے بری خبر ہے، کیوں کہ کے الیکٹرک صارفین کے لئے بجلی 1 روپے 72 پیسے مہنگی ہونے کا امکان ہے۔

حکومت نے بجلی کے یکساں ٹیرف نظام کے تحت نیپرا میں درخواست دائر کی تھی، جس میں گزشتہ مالی سال دوسری اور تیسری ایڈجسٹمنٹ کی مد میں بجلی کی قیمت میں مانگا گیا تھا۔

درخواست میں جنوری تا مارچ 2023 کی سہہ ماہی ایڈجسٹمنٹ میں ایک روپے 25 پیسے فی یونٹ اور اکتوبر تا دسمبر 2022 کی سہہ ماہی ایڈجسٹمنٹ میں47 پیسے فی یونٹ اضافہ مانگا گیا۔

چیئرمین نیپرامختاراحمد کی زیرصدارت حکومت کی درخواست پر سماعت مکمل ہوگئی ہے اور نیپرا اتھارٹی نے فیصلہ محفوظ کر لیا ہے۔