انٹرنیشنل کرکٹ کونسل (آئی سی سی) نے آسٹریلیا کے خلاف پرتھ ٹیسٹ میں سلو اوور ریٹ پر پاکستان کرکٹ ٹیم پر جرمانہ کردیا۔

آئی سی سی کے مطابق پاکستان کرکٹ ٹیم پر پرتھ ٹیسٹ میں سلو اوور ریٹ پر میچ فیس کا 10 فیصد جرمانہ عائد کیا گیا ہے۔

آئی سی سی کے مطابق ورلڈ ٹیسٹ چیمپئن شپ میں پاکستان کے 2 پوائنٹس کی کٹوتی بھی کردی گئی۔

آئی سی سی کے اعلامیے کے مطابق پاکستان ٹیسٹ ٹیم کے کپتان شان مسعود نے مقررہ وقت میں اوورز پورے نہ کرنے کی غلطی بھی تسلیم کرلی۔

پاکستان ٹیم نے 10 فیصد جرمانہ اور 2 پوائنٹس کی کٹوتی کی سزا بھی قبول کرلی۔

2 پوائنٹ کاٹنے پر پاکستان ٹیم کے پوائنٹ کی شرح 66.67 سے 61.11 ہوگئی ہے۔

رپورٹ کے مطابق پرتھ ٹیسٹ میں پاکستان کرکٹ ٹیم مقررہ وقت میں 2 اوورز کم کرانے کی مرتکب ہوئی تھی۔

مزید پڑھیں

میلبرن ٹیسٹ کیلئے آسٹریلیا نے 13رکنی ٹیم کا اعلان کردیا

پاکستان کا آسٹریلیا کے خلاف ٹیسٹ میچز میں ریکارڈ کیسا ہے؟