نگراں حکومت پنجاب نے ہر انڈر 16 کے ہر کھلاڑی کو وظیفہ دینے کا اعلان کردیا۔

لاہورمیں پریس کانفرنس کرتے ہوئے مشیر کھیل وہاب ریاض نے کہا کہ پنجاب کے کھلاڑیوں کو آگے لے جانے کے لیے اقدامات کریں گے، صوبے میں کھیلوں کے لیے 2 سال کا شیڈول تیار کیا ہے۔

انہوں نے کہا کہ انڈر 16 پروفیشنل اسپورٹس کے لیے الگ الگ کیلینڈرز تیار کیے ہیں، انڈر 16 کے ہر کھلاڑی کو 10 ہزار روپے وظیفہ دیا جائے گا۔

وہاب ریاض کا کہنا تھا کہ 18 کھیلوں کے لیے پروفیشنل ٹیمیں بنائیں گے، ابتدائی طور پر چھ کھیلوں کے مقابلے کروائے جائیں گے،۔

مشیر کھیل نے کہا کہ پنجاب میں کھیلوں کے لیے تمام سہولیات مہیا کر رہے ہیں، کھیلوں کا فروغ پنجاب حکومت کی ترجیح ہے جب کہ کرکٹ کے بنیادی ڈھانچے کے فروغ کے لیے بھی کوشاں ہیں۔