نگراں وزیرِ اعلیٰ مقبول باقر نے سندھ کے تین تعلیمی بورڈز کا چارج کمشنرز کے سپرد کردیا ہے۔

نگراں وزیراعلیٰ مقبول باقر کی ہدایت پر چیئرمین سکھر بورڈ کا چارج کمشنر سکھر فیاض عباسی کو دے دیا گیا، سکھر بورڈ کے چیئرمین رفیق پھل 16جون کو ریٹائر ہوگئے تھے۔

ترجمان وزیراعلیٰ کے مطابق چیئرمین کراچی انٹربورڈ کا چارج کمشنر کراچی سلیم راجپوت کو دے دیا گیا ہے، چیئرمین بورڈ آف انٹرمیڈیٹ کراچی کا عہدہ 23 نومبر سے خالی تھا۔

اسی طرح چیئرمین بورڈ شہید بینظیر آباد کا چارج کمشنر نواب شاہ کے سپرد کردیا گیا ہے۔

کمشنرز کو تعلیمی بورڈز کا چارج لے کر رپورٹ وزیراعلیٰ سیکرٹریٹ بھیجنے کی ہدایت کی گئی ہے۔