انسپکٹر جنرل (آئی جی) پنجاب ڈاکٹر عثمان انور نے پنجاب بھر کے 40 انسپکٹرز کی ڈی ایس پی کے عہدے پر ترقی کی منظوری دے دی۔

آئی جی پنجاب ڈاکٹر عثمان انور کی زیر صدارت پروموشن بورڈ کا اجلاس ہوا، ایڈیشنل آئی جی پنجاب سلطان احمد چوہدری، ڈی آئی جی اسٹیبلشمنٹ ون ڈاکٹر انعام وحید، ڈی آئی جی اسٹیبلشمنٹ ٹو ذیشان اصغر سمیت سینئر افسران اجلاس میں شریک ہوئے۔

انسپکٹر سے ڈی ایس پی کے عہدے پر ترقی کے لئے پولیس کی محکمانہ ترقیوں کی کمیٹی کے اجلاس میں 400 سےزائد انسپکٹرز کے نام زیر غور آئے تھے، میرٹ پر پورا اترنے والے 40 انسپکٹرز کو ڈی ایس پی کے عہدے پرترقی دے دی گئی۔

آئی جی پنجاب نے پروموٹ ہونے والے افسران کو مبارکباد دیتے ہوئے کہا ہے کہ بہتر سروس ڈیلیوری اور لوگوں کی خدمت کریں، اللہ تعالٰی آپ کا حامی و ناصر ہو۔