مختلف وجوہات کی بناء پر شہ سرخیوں میں رہنے والی پاکستان کی معروف ٹک ٹاکر حریم شاہ کا ایکس اکاؤنٹ معطل کردیا گیا۔

ایلون مسک کی ملکیت والے سوشل میڈیا پلیٹ فارم ایکس نے جمعرات کو ٹک ٹاکر حریم شاہ کا اکاؤنٹ معطل کیا تاہم اس اقدام کی وجوہات ابھی تک سامنے نہیں آسکی ہیں۔

ٹک ٹاکر کی حالیہ پوسٹ سیاست میں ان کی دلچسپی کی نشاندہی کرتی ہے جس میں انہوں نے اپنی سیاسی جماعت کا نام رکھنے کے لیے تجاویز طلب کی تھیں۔

حریم شاہ کا ایکس اکاؤنٹ بغیر کسی پیشگی وارنٹ کے معطل کیا گیا ہے۔

اکاؤنٹ ایکس کی معطلی کی خبر کے بعد صارفین حریم شاہ کی جانب سے تحائف کی کمی محسوس کررہے ہیں، ٹک ٹاکر کو فالو کرنے والے بخوبی جانتے ہیں کہ وہ آئے روز ایکس اکاؤنٹ پر آئی فون 15 سمیت دیگر تحائف اور رقم بطور تحفہ دینےکااعلان کرتی رہتی ہیں۔

اکاؤنٹ معطل کیے جانے کے بعد طنزیہ تبصروں میں حریم شاہ نامی صارف نے ایلن مسک کو متنبہ کیا کہ اگر اکاؤنٹ جلد بحال کیا گیا تو وہ’ان کی ویڈیو لیک کردیں گی’۔

حریم شاہ اپنے سوشل میڈیا پلیٹ فارمز پر مختلف سیاسی جماعتوں پر کڑی تنقید کرتی نظر آتی ہیں۔

اس سے قبل مختلف انٹرویوز میں حریم خان نے کہا تھا کہ انہوں نے ابتدائی طور پر پاکستان تحریک انصاف (پی ٹی آئی) اور اس کے رہنما عمران خان کی حمایت کی تھی اور وہ ان کے ساتھ کھڑی رہیں گی اور یہی ان کی کامیابی کی وجہ تھی۔

حریم شاہ نے یہ بھی بتایا کہ انہیں بانی ایم کیو ایم کی جانب سے بھی کئی پیشکشیں موصول ہوئیں۔