پنجاب پولیس کا بیرون ملک مفرور اشتہاریوں کے خلاف کریک ڈاون جاری ہے، پولیس نے مسقط سے ایک اور اشتہاری کو گرفتار کرلیا۔

پولیس کے مطابق اشتہاری ندیم ایک سال قبل نارووال میں شہری کو قتل کرنے کے بعد بیرون ملک فرار ہوگیا تھا۔

پنجاب پولیس نے انٹرپول سے رابطہ کر کے ملزم کو گرفتار کرلیا جبکہ ملزم ندیم کو متعلقہ پولیس کے حوالے کردیا گیا۔

پنجاب پولیس اب تک بیرون ملک سے 143 مفرور اشتہاریوں کو گرفتار کر کے پاکستان لاچکی ہے۔