قومی کرکٹ ٹیم نے آسٹریلیا کے خلاف تین ٹیسٹ میچز کی سیریز کے لئے تیاری شروع کردی۔

پاکستان ٹیسٹ اسکواڈ نے پنڈی کرکٹ اسٹیڈیم میں کیمپ کے پہلے روز ٹریننگ کا آغاز کردیا، اس موقع پر سرفراز احمد کی جانب سے وکٹ کیپنگ اور سلیپ فیلڈنگ کی بھی پریکٹس جاری ہے۔

پاکستان ٹیسٹ اسکواڈ کا آج دو بجے تک پنڈی اسٹیڈیم میں پریکٹس سیشن جاری رہے گا جب کہ قومی ٹیم آئندہ دنوں میں پریکٹس کا عمل جاری رکھے گی۔

گزشتہ روز قومی اسکواڈ راولپنڈی پہنچا تھا جہاں اس نے ڈائریکٹر کرکٹ محمد حفیظ کے علاوہ دونوں بولنگ کوچز سعید اجمل اور عمر گل سے ملاقات کی تھی۔

واضح رہے کہ پاکستان اور آسٹریلیا کے خلاف تین ٹیسٹ میچز پر مشتمل سیریز 14 دسمبر 2023 سے 7 جنوری 2024 تک کھیلی جائے گی۔

یہ بھی پڑھیں:

حارث رؤف نے سوشل میڈیا صارفین کو منافق کہہ دیا، وجہ کیا ہے؟

ذکاء اشرف کی تقرری: وفاقی حکومت سمیت دیگر کو جوابات داخل کرانے کیلئے مہلت مل گئی

پہلا ٹیسٹ میچ 14 سے 18 دسمبر، دوسرا 26 سے 30 دسمبر اور سیریز کا آخری ٹیسٹ 3 سے 7 جنوری 2024 تک آسٹریلیا میں کھیلا جائے گا۔