برطانوی وزیراعظم رشی سنک نے عدالت کی جانب سے پناہ گزینوں کو روکنے کا برطانوی منصوبہ خلاف قانون قرار دیے جانے پر عالمی معاہدہ ختم کرنے کی دھمکی دیدی ہے۔

برطانوی سپریم کورٹ نے رشی سنک کے روانڈا منصوبے کو مسترد کر دیا۔ ، جس میں اس بات پر زور دیا گیا ہے کہ پناہ کے متلاشیوں کو محفوظ تیسرے ملک میں بھیج دیا جائے۔

رشی سنک نے کہا کہ وہ چینل بوٹس کے بحران سے نمٹنے کے لیے جو بھی کرنا پڑے کرنے کو تیار ہیں۔ اس میں روانڈا کے ساتھ ایک نیا معاہدہ تیار کرنا اور ملکی قانونی فریم ورک پر نظرثانی کرنا شامل ہے۔

تاہم، اپوزیشن کی جانبس سے دباؤ پر انہوں نے کہا کہ اگر ضرورت پڑی تو ”بین الاقوامی کنونشنز“ کو دوبارہ تیار کیا جا سکتا ہے۔

انہوں نے ارکان پارلیمنٹ کو بتایا کہ ’اگر یہ واضح ہو جاتا ہے کہ ہمارے ملکی قانونی فریم ورک یا بین الاقوامی کنونشن منصوبوں کو ناکام بنا رہے ہیں، تو میں اپنے قوانین کو تبدیل کرنے اور ان بین الاقوامی تعلقات پر نظرثانی کرنے کے لیے تیار ہوں۔‘

برطانوی سپریم کورٹ نے متفقہ طور پر پناہ گزینوں کو فوری طور پر ملک بدر کرنے کی اسکیم قانون کی خلاف ورزی قرار دیا تھا۔ یہ رشی سنک کی حکومت کے لیے ایک دھچکا ہے، جو پہلے ہی روانڈا کو 140 ملین پاؤنڈز دے چکی ہے۔