کراچی میں آن لائن ٹیکسی ڈرائیور شاہ زیب کے قتل کی تحقیقات میں پیش رفت ہوئی ہے، تفتیش کاروں نے مقتول کی گاڑی سے ملنے والی کی چین کا پتا لگا لیا ہے، لونی کوٹ کے قریب پیٹرول پمپ سے ملنے والی چابی مقتول کے گھر کی نکلی۔

آن لائن ٹیکسی ڈرائیور شاہ زیب کی لاش گزشتہ روز کراچی میں صفورا چورنگی کے قریب جھاڑیوں سے ملی تھی۔

مقتول شاہ زیب جمعرات کو حیدرآباد سے آن لائن بکنگ لے کر کراچی پہنچا تھا۔ تفتیشی حکام کے مطابق مقتول کو اسی رات قتل کرکے ملزمان فرار ہوگئے تھے۔

تفتیشی ذرائع کا کہنا ہے کہ مقتول کے موبائل اور دیگر دستاویزات کی تلاش جاری ہے، مقتول کی گاڑی چلانے والا شخص اور لڑکی کون تھی، تحقیقات جاری ہیں۔

شاہ زیب کے والد کا کہنا ہے کہ رات میں بیٹے کا موبائل فون بند جارہا تھا، کار ٹریکر بند تھا۔ انھوں نے مطالبہ کیا کہ میرے بیٹے کے قاتلوں کو جلد گرفتار کیا جائے۔

لاش ملنے کے بعد ایس ایچ او سچل اورنگزیب خٹک کا کہنا تھا کہ شاہزیب کے قتل میں خاتون سمیت کئی افراد کے ملوث ہونے کے شواہد ملے ہیں، مقتول شاہزیب کی ڈیڑھ سال قبل شادی ہوئی تھی اور وہ ایک بیٹے کا باپ تھا۔

یہ بھی پڑھیں :

کراچی: بلدیہ یوسف گوٹھ ٹرمینل کے قریب آئل ٹینکر میں دھماکا، 2 مزدور جاں بحق

ٹانک میں مسلح افراد کا پولیس پر حملہ، ایس ایچ او سمیت 3 اہلکار شہید

پشاور: کالعدم تنظیم داعش کا مالی معاون گرفتار، تعلق افغانستان سے ہے

شاہزیب کے قتل کا مقدمہ مقتول کے والد کی مدعیت میں نامعلوم افراد کے خلاف سچل پولیس نے درج کیا۔