بالی ووڈ اداکار اپنے ہر دن کو بڑے اہتمام سے مناتے ہیں اور پھر ان مواقع کی تصاویر مداحوں کے لیے سوشل میڈیا ہینڈل پر بھی شیئر کرتے ہیں ہیں لیکن حال ہی میں ہونے والی شاہ رخ خان کی سالگرہ کے حوالے سے سب ہی تصاویرکے منتظر رہے ۔

شاہ رخ خان نے اپنی 58 ویں سالگرہ شاندارانداز میں منائی اور اس وقع پر اپنی رہائش گاہ منت کے باہر جمع ہونے والے مداحوں کو دو بار مبارکباد دی۔

انھوں نے شام میں اپنےمداحوں کی تقریب میں شرکت کی اور رات میں اپنے دوستوں اورساتھیوں کے لئے ایک پارٹی کی بھی میزبانی کی۔

پارٹی کی بہت سی تصاویرآن لائن منظر عام پر آئیں لیکن ان میں سے کسی میں بھی شاہ رخ خان نظر نہیں آئے۔

ٹیلی ویژن اداکارہ مونا سنگھ نے اپنے انسٹاگرام ہینڈل پربرتھ ڈے بوائے کے ساتھ دوتصاویرشیئر کی ہیں۔

پہلی تصویر میں شاہ رخ خان کو مونا کے سر پر بوسہ دیتے ہوئے دیکھا جاسکتا ہے اور اداکار کیمرے کے سامنے مسکراتے ہوئے نظر آرہے ہیں ۔ کیپشن میں مونا نے لکھا کہ ’آپ نے مجھ پر جو پیار برسایا اس سے بہت متاثر ہوں۔‘

جبکہ دوسری تصویر واضح سیلفی ہے جس میں شاہ رخ خان اور مونا سنگھ مسکرا رہے ہیں۔

پارٹی میں دپیکا پڈوکون، رنویر سنگھ، رنبیر کپور،عالیہ بھٹ، ایم ایس دھونی، ہدایت کار ایٹلی، سنجے مہیپ کپور، بھاونا پانڈے، سدھارتھ ملہوترا اور کیارا اڈوانی سمیت دیگر بھی شامل تھے۔

مونا سنگھ نے مشہور ٹی وی شو ’جسی جیسی کوئی نہیں‘’ میں کام کرنے کے بعد شہرت حاصل کی ۔ اداکارہ نے ٹی وی شوز جیسے کیا ہوا تیرا وعدہ، اتنا کرو نا مجھے پیار، پیار کو ہو جانے دو میں بھی کام کیا ہے۔

انہوں نے تھری ایڈیٹس اور اوٹ پٹانگ جیسی فلموں میں بھی صلاحیتوں کے جوہر دکھائے۔