وزیراعظم کے پرنسپل سیکرٹری ڈاکٹر توقیر شاہ نے اپنے عہدے سے استعفی دے دیا۔

وزیراعطم کے پرنسپل سیکرٹری ڈاکٹر توقیرشاہ مستعفی ہوگئے، نگراں وزیراعظم انوارالحق کاکڑ نے ان کا استعفیٰ منظور کرلیا۔

اسٹبلشمنٹ ڈویژن کے نوٹیفیکیشن کے مطابق توقیر شاہ کا استعفیٰ 31 اکتوبر 2023 سے نافذ العمل ہوگا، نگران وزیراعظم نے ایک ماہ کے نوٹس کا دورانیہ بھی ختم کردیا۔

ڈاکٹر توقیر شاہ ایڈمنسٹریٹو سروس گریڈ 22 کے ریٹائرڈ آفیسر ہیں، سابق وزیراعظم شہباز شریف نے توقیر شاہ کو سروس سے ریٹائرمنٹ کے بعد مزید ایک سال کی توسیع دی تھی۔

ڈاکٹر توقیر شاہ عالمی بینک میں ایگزیکٹو ڈائریکٹر کی ذمہ داریاں سنبھالیں گے۔