ہر شخص کے زندہ رہنے کے لئے سانس لینا ضروری ہوتا ہے اور اگر کبھی نزلہ زکام کی وجہ سے ناک بند ہو جائے تو یہ ایک تکلیف دہ مرحلہ بن جاتا ہے اور آپ بے چین رہتے ہیں۔

بہت سے لوگوں کے ساتھ ایسا ہوتا ہے کہ وہ اچانک سانس رکنے کے سبب نیند سے اٹھ کر بیٹھ جاتے ہیں اور یہ حالت کبھی کبھی رات کے پہر میں ہوتی ہے۔ بہت سے لوگ ناک کے بجائے منہ سانس لینا شروع کر دیتے ہیں جس کی وجہ سے بار بار گلا خشک ہو جاتا ہے۔

وہ لوگ جو نیند میں بار بار اٹھ جاتے ہیں، استھما یا اسی طرح کی دوسری حالت میں مبتلا ہیں وہ اکثر رات کے وقت بیدار ہوتے ہیں جس کی وجہ سے پھر وہ سارا دن تھکاوٹ کا شکار رہتے ہیں۔

ایسی حالت کے سبب آپ کے دن کی ساری روٹین مکمل طور پر آپ کے لئے پریشانی کا باعث بنتی ہے اور کام کرنے والوں کے لئے بھی۔

سانس کے مسائل سے نمٹنے اور مناسب نیند حاصل کرنے کے لئے یہاں چند تجاویز ہیں جن پر عمل کر کے آپ اس مشکل سے نجات حاصل کر سکتے ہیں۔

صحت مند غذا

پھلوں اور سبزیوں سے بھرپور صحت مند اور متوازن غذا، اناج اور پروٹین آپ کے پھیپھڑوں کو صحت مند رکھنے کے لئے سب سے اہم عنصر ہے۔ اپنی غذا کو متوازن بنانے کی کوشش کریں۔ آپ کے پھیپھڑوں مضبوط ہوں گے تو آپ کو سانس کے مسائل بھی کم ہوں گے۔

پانی کی ذیادہ مقدار

وہ افراد جن کے پھیپھڑے کمزور ہیں انہیں چاہئے کہ دن بھر میں زیادہ سے زیادہ پانی پئیں، کیونکہ یہ پھیپھڑوں کے ذریعے پیدا ہونے والے بلغم کو پتلا کرنے میں مدد دیتا ہے، اس طرح آپ کو سانس لینے میں آسانی ہوگی۔

مزید پڑھیں

صرف 3 دنوں میں پھیپھڑوں کو صحت مند بنائیں

کشمش کے ذریعے پھیپھڑوں کی صفائی

اگر آپ ذہنی دباﺅ کا شکار ہیں تو یہ ضرور پڑھیں

ورزش اور یوگا

پھیپھڑوں کو مضبوط بنانے اور بہتر سانس لینے میں مدد کے لئے آپ کی روزانہ کی ورزش، یوگا اور چہل قدمی بھی اہم کردارادا کرتے ہیں۔

گرم پانی کی بھاپ

گرم پانی کی بھاپ لینے سے بھی آپ کے سانس لینے کے عمل میں آسانی پیدا ہوتی ہے، کیوں کہ یہ آپ کی بند ناک کو کھولنے میں مددگار ثابت ہوتی ہے۔

ماحولیاتی آلودگی کی وجہ سے بلاجواز گھر سے باہر نکلنا بھی آپ کے سانس لینے میں دشواری پیدا کرسکتا ہے۔ چنانچہ آپ کو چاہئے کہ ان چند تجاویز پر عمل کریں اور سانس لینے میں مشکل ہونے والے مسائل سے بچیں۔