پنجاب اور سندھ نے کچے کے علاقوں میں موبائل فون کی سہولت کو کمزور کرنے کا فیصلہ کر لیا، کچے کے علاقوں کی ٹیگنگ بھی کر لی گئی۔

نگران وزیراعلیٰ سندھ جسٹس ریٹائرڈ مقبول باقر اور نگران وزیراعلیٰ پنجاب محسن نقوی کی زیر صدارت کچے کے ڈاکوؤں کیخلاف مشترکہ آپریشن سے متعلق اجلاس ہوا۔

اجلاس میں بریفنگ دی گئی کہ ڈاکوؤں کے اسلحہ فراہمی کے نیٹ ورک کو مکمل بند کر دیا گیا ہے۔ اس موقع پر محسن نقوی نے کہا کہ پنجاب آپریشن میں ہزاروں ایکڑ اراضی ڈاکوؤں کے قبضے سے واگزار کرائی گئی.

انہوں نے کہا کہ صوبے میں 11 ڈاکوؤں کے گینگز ہیں، جس کی تعداد 600 ہے، جبکہ مقبول باقر کا کہنا تھا کہ گھوٹکی میں پولیس آپریشن کی منظوری دے دی ہے۔