نگران وزیر داخلہ سرفراز بگٹی نے کہا کہ کوئی بھی غیرملکی اگرپاکستان آئے گا، تو وہ پاسپورٹ لے کرآئے گا۔

میڈیا سے گفتگو کے دروان صحافی نے سوال کیا کہ غیرقانونی مقیم افراد کیلئے دی گئی ڈیڈ لائن بڑھائی جائے گی، تو جواب میں سرفراز بگٹی نے کہا کہ اس وقت ایسی کوئی تجویز نہیں ہے۔

سرفراز بگٹی نے کہا کہ اگرآتی ہے تو تمام اسٹیک ہولڈرز مل کربات کریںگے، کوئی بھی غیرملکی اگر پاکستان آئے گا تووہ پاسپورٹ لے کرآئےگا۔

نگران وزیر داخلہ نے کہا کہ اس معاملے پر کوئی سفارتی مداخلت نہیں ہوئی، کوئی بھی ملک ہو وہ اس معاملے میں حساس ہوتا ہے۔