انٹر نیشنل کرکٹ کونسل نے سابق کپتان سلیم ملک کو ویٹرن کرکٹ کھیلنے کی اجازت دے دی۔

آئی سی سی نے سابق کپتان سلیم ملک کو کلین چٹ دیتے ہوئے ویٹرن کرکٹ کھیلنے کی اجازت دی۔

سلیم ملک 2024 میں ویٹرنز کرکٹ ورلڈ کپ میں سلیکشن کے لئے دستیاب ہوں گے۔ پاکستان ویٹرنز کرکٹ ایسوسی ایشن نے آئی سی سی سے سلیم ملک کو ٹیم میں شامل کرنے کے حوالے سے پوچھا تھا۔

آئی سی سی نے پاکستان ویٹرنز کرکٹ ایسوسی ایشن کو جواب بھیجا ہے جس کے تحت آئی سی سی کو سلیم ملک کے کھیلنے پر کوئی اعتراض نہیں ہے۔

آئی سی سی نے پی وی سی اے کو ای میل کے ذریعے اپنے جواب سے آگاہ کیا، ای میل آئی سی سی کے چیف ایگزیکٹیو جیف ایلریڈیک کی طرف سے کی گئی ہے۔ آئی سی سی نے پی سی بی کے سی او او سلمان نصیر کو بھی فیصلے سے آگاہ کردیا۔

یاد رہے کہ پی سی بی حکام آئی سی سی کو جواز بنا کر ماضی میں سلیم ملک کو کوئی عہدہ دینے سے گریز کرتے رہے۔