قومی ایئر لائن پی آئی اے کو ایندھن کی فراہمی کا معاملہ حل نہیں ہو سکا، فیول کی محدود پیمانے پر فراہمی کی وجہ سے قومی ایئرلائن کی مزید 27 پروازیں منسوخ کر دی گئیں۔

پی آئی اے نے فیول کی عدم دستیابی پر کراچی سے لاہور، رحیم یار خان اور پشاور کی دو طرفہ 7 پروازیں منسوخ کی ہیں، پی آئی اے کی کراچی سے ملتان، دبئی اور اسلام آباد کی 6 پروازیں منسوخ کر دی گئیں۔

اسی طرح ملتان سے جدہ اور القسیم سے ملتان کی 2 پروازیں بھی منسوخ کی گئی ہیں۔

لاہور سے شارجہ، دبئی اور جدہ سے لاہور کی 4 پروازیں بھی منسوخ ہوئی ہیں۔

اسلام آباد سے دبئی، ابوظہبی، دمام، مدینہ، جدہ اور کوئٹہ کی 7 پروازیں منسوخ کی گئی ہیں۔

دبئی سے پشاور کی پرواز بھی منسوخ کر دی گئی ہے۔