سابق بھارتی کرکٹر ہربھجن سنگھ نے پاکستان کے کپتان بابر اعظم کو بھارت کے عظیم بلے باز ویرات کوہلی سے سیکھنے کا مشورہ دے دیا۔

گزشتہ روز بھارتی شہر بنگلورو میں کھیلے گئے ورلڈ کپ کے اہم میچ میں آسٹریلیا کے ہاتھوں پاکستان کو 62 رنز سے شکست ہوئی تھی، جس کے بعد سابق بھارتی کرکٹر ہربھجن سنگھ نے سوشل میڈیا پلیٹ فارم ایکس پر اپنے ایک پیغام میں بابر اعظم کو ویرات کوہلی سے سیکھنے کا مشورہ دیا۔

ہربھجن سنگھ نے کہا کہ ’’بغیر کسی سوال کے ویرات کوہلی ماڈرن دنوں کے لیجنڈ ہیں جو ہر طرح کے حالات و کنڈیشن میں رنز بناتے ہیں اور بھارت کے لیے میچ جیتتے ہیں‘‘۔

یاد رہے کہ ورلڈکپ میں پاکستان ٹیم اب تک 4 میچز کھیل چکی ہے جس میں انہیں 2 میں کامیابی اور 2 میں ناکامی کا سامنا کرنا پڑا ہے۔

پاکستان نے نیدرلینڈز اور سری لنکا کے خلاف کامیابی حاصل کی ہے جبکہ بھارت اور آسٹریلیا کے خلاف انہیں شکست کا سامنا کرنا پڑا۔

مزید پڑھیں

شعیب ملک نے کھیل میں بہتری لانے کیلئے بابر اعظم کو کیا مشورہ دیا؟

آسٹریلیا 62 رنز سے کامیاب، پاکستان کو ورلڈکپ میں مسلسل دوسری شکست

بھارت سے شکست کے بعد پاکستان کے کپتان بابراعظم نے کیا کہا؟