احمدآباد میں پاکستان اور بھارت کے درمیان آئی سی سی ورلڈ کپ 2023 سے قبل میچ کی خصوصی تقریب منعقد کی گئی، جس کی ویڈیو سوشل میڈیا پر وائرل ہورہی ہے۔

بھارتی کرکٹ بورڈ کی انتظامیہ کی جانب سے ورلڈکپ کی افتتاحی تقریب منسوخ کردی گئی تھی۔

آج کی اس خصوصی تقریب میں پاک بھارت میچ سے قبل کرکٹ شائقین کو محظوظ کرنے کیلئے کئی مشہور بھارتی سُپر اسٹارز کو مدعو کیا گیا تھا۔

تقریب میں معروف گلوکار ارجیت سنگھ، شنکر مہادیون اور سکھوندر سنگھ نے کرکٹ شائقین کو اپنے سُروں سے لطف اندوز کیا۔

یہ تقریب ٹیلی ویژن پر براہِ راست نشر نہیں کی گئی تھی، لیکن اس کی کچھ ویڈیوز سوشل میڈیا پر وائرل ہو رہی ہیں۔

بھارتی گلوکار ارجیت سنگھ کو وائرل ویڈیو میں پرفارم کرتے دیکھا جا سکتا ہے، انہوں نے اس تقریب میں بالی ووڈ کے اپنے مشہور ’ہیریے‘ اور ’واٹ جھمکا‘ سمیت کئی دیگر گانے گائے ہیں۔

بالی ووڈ کے معروف اداکار امیتابھ بچن، رجنی کانت اور انوشکا شرما سمیت کئی اداکاروں نے بھی اس تقریب میں شرکت کی۔

اس میچ کو دیکھنے کے لیے بھارت کے معروف اداکار امیتابھ بچن اور رجنی کانت کو گولڈن ٹکٹ دیا گیا تھا۔