وزن کم کرنے کے لیے صرف 2 اجزاء والا جادوئی مشروب

یہ نہ صرف وزن کم کرتا ہے بلکہ غذائیت سے بھی بھرپور ہے

ویب ڈیسک

اپ ڈیٹ 13 اکتوبر 2023 10:28am

لائف اسٹائل

وزن کم کرنے کے خواہشمند افراد اس مقصد کیلئے ہرممکن کوشش کرتے ہیں، کیونکہ متوان وزن ہی صحت مند جسم کی ضرورت ہے۔

اکثریت وزن کم کرنے کیلئے کئی کئی گھنٹے بھوکا رہنے کو ترجیح دیتی ہے جبکہ یہ رجحان کسی صورت مناسب نہیں۔

وزن کم کرنے کیلئے ضروری ہے کہ صحت مند طرزِ زندگی اپنایا جائے، طبی ماہرین وزن کم کرنے کے لیے صحت مند متوازن غذاؤں کے استعمال پر زور دیتے ہیں۔

وزن کم کرنے کے عمل کو آسان بنانے کیلئے جادوئی مشروب آپ کو متاثر کن نتائج دے سکتا ہے۔ اس میں موجود غذائیت انسانی جسم کیلئے ہر طرح سے مفید ہے۔

ہائیڈریشن

چونکہ کھیروں میں پانی کی وافر مقدار موجود ہوتی ہے، اس لیے یہ ہائیڈریشن میں اہم کردار ادا کرتے ہیں۔

ہاضمے کیلئے مشہور ادرک انسانی جسم میں موجود اضافی فیٹس کو ہضم کرتے ہوئے وزن کو کم کرنا ممکن بناتی ہے۔

وٹامن کے، پوٹاشیم اور دیگر معدنیات سے بھرپور یہ مشروب ہڈیوں کی صحت اور بلڈ پریشر کو کنٹرول کرنے میں اہم کردار ادا کرتی ہے۔

ادرک نظام ہاضمہ کو بہتر کرتے ہوئے جسم سے سوزش اور بدہضمی کے مسائل کو کم کرنے میں مدد کرتی ہے۔

کھیرے اور ادرک دونوں میں اینٹی آکسیڈنٹس کی وافر مقدار موجود ہوتی ہے، یہ انسانی جسم کے خلیات کو نقصان سے بچاتے ہیں اور سوزش کو بھی کم کرتے ہیں۔

اس کیلئے سب سے پہلے 1 کھیرے اور 1 انچ ادرک کے ٹکڑے کو اچھی طرح دھوکر انہیں چھوٹے چھوٹے ٹکروں کو کاٹ لیں۔

اب اس کو حسبِ ضرورت پانی میں اچھی طرح بلینڈ کریں، اس جوس کو چھان لیں اور آئس کیوبز ڈال کر پیئیں۔

اس جادوئی ڈرنک کو دن میں دو بار پینا آپ کو حیران کن نتائج دے سکتا ہے۔