نگراں وزیر برائے تجارت گوہر اعجاز کا کہنا ہے کہ یورپی پارلیمنٹ نے 2027 تک ترجیحات کی عمومی اسکیم (GSP) کے قوانین رول اوور کرنے کا فیصلہ کیا ہے۔

سوشل میڈیا پلیٹ فارم ”ایکس“ پر جاری اپنے بیان میں انہوں نے اس کامیابی پر شکر ادا کرتے ہوئے لکھا کہ ’توقع ہے یورپی کونسل جلد ہی موجودہ اسکیم کی توسیع کے لیے اپنی حتمی منظوری دے گی۔‘

انہوں نے مزید لکھا کہ ’میں اس موقع پر اسکیم کے تحت سب کی بہتری کے لیے پاکستان کے وعدوں کا اعادہ کرتا ہوں‘۔

ان اک مزید کہنا تھا کہ ’میں یورپی یونین کی پارلیمنٹ کا شکریہ ادا کرنا چاہتا ہوں کہ وہ ترقی پذیر ممالک سے تجارت کو آسان بنانے کے اپنے عزم پر پورا اترے۔‘