گوجرانوالا فلائی اوور پرڈنگہ پھاٹک کے قریب پتنگ کی ڈور پھرنے سے نوجوان جان بحق ہوگیا۔

ریسکیو ذرائع کے مطابق جاں بحق ہونے والا نوجوان سٹی ہاؤسنگ سے لاری اڈے کی طرف جا رہا تھا کہ کٹی پتنگ کی ڈور اس کی گردن پر پھر گئی۔

ڈور پھرنے سے نوجوان کی گردن پر گہرا کٹ لگا اور زخموں کی تاب نہ لاتے ہوئے موقع پر ہی جاں بحق ہو گیا۔

ریسکیو حکام کے مطابق واقعہ کے فوراً بعد جاں بحق نوجوان مصطفی کی لاش اسپتال منتقل کی گئی۔

گوجرانوالا میں پابندی کے باوجود پتنگ بازی عروج پر ہے ۔ پولیس پتنگ بازی کو روکنے میں بظاہر ناکام دکھائی دے رہی ہے۔