اسلام آباد کی مقامی عدالت نے شادی سے انکار پر عیسائی لڑکی کو قتل کرنے کے کیس کا محفوظ فیصلہ سنا دیا۔ سیشن کورٹ نے جرم ثابت ہونے پر شہزاد کو 25 سال قید کی سزا سنا دی۔

جج اعظم خان نے شادی سے انکار پر لڑکی کے قتل کے کیس کا محفوظ فیصلہ سنایا۔

عدالت نے فیصلے میں کہا کہ پراسیکیوشن مجرم شہزاد کے خلاف کیس ثابت کرنے میں کامیاب رہی، مجرم شہزاد کو 25 سال قید کی سزا سنائی جاتی ہے۔

یاد رہے کہ اسلام آباد کے تھانہ کورال میں 30 نومبر 2020 کو مقدمہ درج کیا گیا تھا۔

24 سالہ عیسائی لڑکی کی طرف رشتہ کے لیے شہزاد نے فیملی کو بھیجا تھا۔

لڑکی کی فیملی نے اپنے عیسائی ہونے اور لڑکے کے مسلمان ہونے کی وجہ سے رشتے سے انکار کر دیا تھا۔

رشتے سے انکار کے بعد شہزاد پہلے تین چار ماہ لڑکی کو دھمکیاں دیتا رہا تھا۔

25 سال قید کی سزا پانے والے شہزاد نے 30 نومبر 2020 کو لڑکی کا پیچھا کرکے اسے گولی مار کر قتل کر دیا تھا۔