سابق وزیراعلیٰ پنجاب چوہدری پرویز الہٰی کے صاحبزادے مونس الہٰی سمیت دیگر کے خلاف منی لانڈرنگ مقدمے میں وزرات خارجہ کی رپورٹ عدالت میں پیش کردی گئی۔

لاہور کی اسپیشل سینٹرل عدالت میں مونس الہٰی سمیت دیگر کے خلاف منی لانڈرنگ مقدمے کی سماعت ہوئی۔

عدالت نے وزارت خارجہ کو مونس الہٰی کی سمن نوٹس پر پراسس کرنے کا حکم دیا تھا۔

وزرات خارجہ نے عدالتی حکم پر رپورٹ عدالت میں پیش کردی، جس کے مطابق مونس الہٰی کی طلبی کے نوٹسز کی تعمیل کے لیے اسپین قونصلیٹ جنرل کو خط لکھ دیا گیا ہے، ایف آئی اے نے طلبی کے نوٹسز کی تعمیل کے لیے مزید مہلت کی استدعا کی ۔

مزید پڑھیں

مونس الہٰی کے ناقابل ضمانت وارنٹ گرفتاری جاری

نیب رپورٹ میں مونس الٰہی کیخلاف کروڑوں روپے کی کرپشن، کک بیکس کے الزامات

عدالت نے ایف آئی اے کی استدعا منظور کرلی اور منی لانڈرنگ مقدمے پر مزید کارروائی 11 اکتوبر تک ملتوی کردی۔