نگران وفاقی حکومت نے توانائی کے شعبے میں بڑی تبدیلیاں کرتے ہوئے پہلی بار بیوروکریسی سے افسران کی خدمات ڈسکوز کے سپرد کردیں۔

اسٹیبلشمنٹ ڈویژن سے افسران کی ڈسکوز میں تعنیاتیوں کے نوٹیفکیشن کے مطابق گریڈ 17 کے 10 افسروں کی خدمات 60 دن کے لئے واپڈا کی مختلف کمپنیوں کے سپرد کی گئی ہیں۔

نوٹیفیکشن کے مطابق وفاق سے اویس ارشاد بھٹی کی خدمات آئیسکو کے سپرد کی گئی ہیں، اسی طرح پنجاب حکومت سے رافعہ قیوم کی خدمات فیسکو کو ، محمد مرتضیٰ کی خدمات میپکو، ماہم مشتاق کی خدمات گیپکو اور سارہ لونی کی خدمات لیسکو کے سپرد کردی گئیں۔

سندھ حکومت سے محمد شہزاد احمد کو حیسکو میں تعینات کیا گیا ہے، اسی طرح محمد احمر علی کی خدمات سیپکو کے سپرد کی گئی ہیں۔

بلوچستان حکومت سے حمود الرحمان کی خدمات کیسکو کے سپرد کردی گئیں اور خیبرپختونخوا حکومت سے محمد ہاشم عظیم کو پیسکو میں تعنیات کر دیا گیا۔

خیبرپختونخوا حکومت سے محمد وقاص مسعود چودھری کو ٹیسکو میں لگا دیا گیا۔