سندھ حکومت نے کراچی سمیت صوبے بھر سے ضائع ہونے والے کھانے کو پیداواری مقاصد کے لئے استعمال کرنے کا فیصلہ کرلیا۔

سندھ فوڈ اتھارٹی اور سندھ سالڈ ویسٹ مینجمنٹ بورڈ ضائع کیے جانے والے کھانے کو پیداواری مقاصد کے لیے استعمال کریں گے۔

حکام کے مطابق پہلا مرحلے میں کراچی کی10 بڑی فوڈ اسٹریٹ سے ضائع کیا گیا کھانا جمع کیا جائے گا جب کہ فوڈ انڈسٹریز سے بھی زائد المعیاد کھانے پینے کی اشیاء جمع کی جائیں گی۔

حکام کا کہنا ہے کہ سندھ سالڈ ویسٹ مینجمنٹ بورڈ کی ٹیمیں ضائع کیا گیاکھانا اٹھائیں گی اور ری سائیکلنگ کے بعد خوراک کو کھاد کے طور پر استعمال کیا جائے گا۔

سندھ فوڈ اتھارٹی نے کہا کہ اس اقدام کا بنیادی مقصد ضائع ہونے والے کھانے کو پیداواری مقاصد کے لئے استعمال کرنا ہے، منصوبے کی کامیابی کے لئے تمام اسٹیک ہولڈرز کا تعاون درکار ہے۔