نگراں سندھ حکومت نے الیکشن کمیشن کی منظوری کے بعد گریڈ اٹھارہ کے مزید تیس افسران کے تبادلے اور تقرریاں کردیں۔ ایڈیشنل ڈپٹی کمشنرز کے تبادلوں کا نوٹفکیشن جاری کردیا گیا۔

نوٹی فکیشن کے مطابق سمیع اللہ خان ایڈیشنل ڈپٹی کمشنر ساٶتھ کراچی، جہانگير علی شاہ نواب، سمیرحسین لغاری ویسٹ اور ملیر کے ایڈیشنل ڈپٹی کمشنر مقرر کردیے گئے۔

محمد آصف جونیجو، عبدالکریم میمن ایڈیشنل ڈپٹی کمشنر سینٹرل اور ایسٹ جبکہ زاہد جونیجو، ظہورعلی ایڈیشنل ڈپٹی کمشنر کورنگی اور کمیاڑی تعینات کردیے گئے۔

سکھر، حیدرآباد ، ٹنڈو محمد خان، مٹیاری، ٹھٹھہ، سجاول، بدین ،عمرکوٹ، تھر پاکر، سانگھڑ، میرپور خاص ، بدین، بے نظیرآباد، نوشہر و فیرز، خیرپور اور شکارپور کے ون اور ٹو کے ایڈیشنل ڈپٹی کمشنرز مقررکردیے گئے۔