اینٹی کرپشن حکام نے سندھ بلڈںگ کنٹرول اتھارٹی (ایس بی سی اے) کی جانب سے عدم تعاون پر ان کے مرکزی دفتر پر چھاپے کا فیصلہ کرلیا ہے۔

ذرائع کے مطابق اینٹی کرپشن نے متعدد بار ایس بی سی اے حکام کو خطوط تحریر کئے، جس میں غیر قانونی تعمیرات کا ریکارڈ طلب کیا گیا تھا۔

کئی دن گزر جانے کے باوجود بھی ایس بی سی اے نے ریکارڈ جمع نہیں کرایا۔

ذرائع نے دعویٰ کیا ہے کہ ضلع جنوبی میں 9 پلاٹوں پرغیر قانونی تعمیرات کی گئی ہیں، جن میں کھارادر، میٹھادر، رام سوامی، رنچھوڑ لائن سمیت دیگرعلاقے شامل ہیں۔