بھارت میں 5 اکتوبرسے شروع ہونے والے آئی سی سی کرکٹ ورلڈ کپ 2023 سے قبل نیوزی لینڈ کیخلاف پاکستان کا وارم اپ میچ سیکیورٹی خدشات کی نذر ہوگیا۔سیکیورٹی فراہم کرنے میں ناکام بھارت میچ کا انعقاد بند دروازوں کے پیچھے کرکے ٹکٹ خریدنے والوں کو رقم واپس کردے گا۔

رقم واپسی کا اعلان 25 ستمبر کومیچ بند دروازوں کے پیچھے کھیلنے کے فیصلے کے چار دن بعدسامنے آیا ہے۔

بی سی سی آئی نے اعلان کیا کہ جن تماشائیوں نے کھیل کے ٹکٹ خریدے ہیں، انہیں رقم واپس کردی جائے گی۔

میگا ایونٹ کی میزبان کرنے والے بھارتی کرکٹ بورڈ نے اعتراف کیا ہے کہ سیکیورٹی خدشات اور پابندیوں کی وجہ سے ٹورنامنٹ کے آغاز سے نو روز قبل بھی پاکستان کی شرکت متاثرہو رہی ہے۔

پاکستان اور نیوزی لینڈ ورلڈ کپ کے آغاز سے قبل پری ٹورنامنٹ میچ جمعہ 29 ستمبر کو حیدرآباد کے راجیو گاندھی انٹرنیشنل اسٹیڈیم میں کھیلیں گے۔

بورڈ آف کنٹرول فارکرکٹ ان انڈیا (بی سی سی آئی) نے ایک بیان میں کہا ہے کہ میچ مقامی سیکیورٹی ایجنسیوں کے مشورے کے مطابق ’بند دروازوں کے پیچھے‘ ہوگا۔

بیان میں مزید کہا گیا ہے کہ میچ والے دن تہوار کے باعث احمد آباد میں شہربھر میں بڑے اجتماعات متوقع ہیں۔

اس سے قبل مقامی پولیس کی طرف سے بتایا گیا تھا کہ ورلڈ کپ کے لیے آئی سی سی کی طرف سے رکھے گئے سیکیورٹی مطالبات پورا کرنے کے لیے بھرپور کوشش کی جائے گی۔

ایچ سی اے نے حال ہی میں بی سی سی آئی اس مسئلے کے بارے میں اپ ڈیٹ کیا تھا، لیکن بھارتی بورڈ پُریقین تھا کہ وہ میچ کی تاریخ تبدیل نہ ہونے کی صورت میں بیک اپ پلان کے ساتھ آکر میچ شیڈول کے مطابق کرائے گا۔ ٹکٹوں کی فروخت اور نشریاتی منصوبے طے ہونے کے باعث میچ کی تاریخ تبدیل کرنا ممکن نہیں تھا۔

اگست کے اوائل میں، حیدرآباد پولیس نے اصل شیڈول میں تبدیلی کے بعد حفاظتی انتظامات پر تشویش کا اظہار کیا تھا، جس کی وجہ سے شہر میں 9 اور 10 اکتوبر کو بیک ٹو بیک میچ منعقد ہوئے۔ جب ہندوستان بمقابلہ پاکستان میچ کو ایک دن آگے لانا پڑا تو اصل شیڈول کو بگاڑا جا رہا تھا - 15 اکتوبر سے 14 اکتوبر - جیسا کہ یہ نوراتری کے تہوار کے پہلے دن کے ساتھ موافق تھا۔

پاک نیوزی لینڈ وارم اپ میچ کے علاوہ 9 دیگر وارم اپ میچز کے ٹکٹس بھی گزشتہ ماہ فروخت کے لیے پیش کیے گئے تھے۔

پاک نیوزی لینڈ وارم اپ میچ کے علاوہ نو دیگر وارم اپ میچز کے ٹکٹس بھی گزشتہ ماہ فروخت کے لیے پیش کیے گئے تھے اور اب شائقین سے کہا گیا ہے کہ انہیں اس میچ کے لیے مکمل رقم واپس مل جائے گی۔

بی سی سی آئی کی جانب سے یہ اعلان ایسے وقت میں سامنے آیا ہے جب پاکستانی ٹیم تاخیرسے ویزا ملنے کے بعد آج بھارت روانہ ہورہی ہے۔

ورلڈ کپ میں شرکت کرنے والی تمام ٹیموں کو ویزہ جاری کیے جانے کے باوجود پاکستانی اسکواڈ کے لیے ویزوں کے اجراء میں تاخیر بھی بھارتی بورڈ کی غیر سنجیدگی ظاہر کرتی ہے۔