اسٹیٹ بینک آف پاکستان (ایس بی پی) نے نجی منی ایکسچینج کمپنی کو کام سے روک دیا ہے۔

مرکزی بینک کی جانب سے جاری بیان کے مطابق میسز پریمیئر ایکسچینج کمپنی (پرائیوٹ) لمیٹڈ کا لائسنس تاحکم ثانی معطل کردیا گیا ہے۔

اسٹیٹ بینک کے مطابق مذکورہ کمپنی نے سینٹرل بینک کے قواعد و ضوابط اور ہدایات کی سنگین خلاف ورزی کی، لہٰذا اس کے ہیڈ آفس اور تمام برانچوں کو کام کرنے سے روک دیا ہے۔

مرکزی بینک نے کہا کہ ایکسچینج کمپنی اپنی معطلی کے دوران غیر ملکی کرنسی سمیت کسی بھی قسم کا کاروبار نہیں کر سکے گی۔