اسلام آباد میں قبضہ مافیا کے خلاف آپریشن کے دوران پولیس اور علاقہ مکینوں کے درمیان تصادم ہوگیا جس میں کئی افراد زخمی ہوگئے۔

دارالحکومت کے نواحی علاقے میں قبضہ مافیا کے خلاف سی ڈی اے کا آپریشن ہوا، اس دوران وفاقی پولیس اور علاقہ مکین آمنے سامنے آئے۔

پولیس اور علاقہ مکینوں کے درمیان تصادم میں متعدد افراد زخمی ہوئے جب کہ کئی گاڑیوں کو شدید نقصان پہنچا۔

پولیس کی بھاری نفری بھی موقع پر پہنچی جس کی جانب سے شہریوں پر شیلنگ کی گئی۔