نگراں وزیر اعظم انوار الحق کاکڑ نے افغان عبوری وزیر اعظم ملا محمد حسن اخوند کو خط لکھا ہے جس میں قریبی پڑوسی ملک سے متعلق مثبت خیالات کا اظہار کیا گیا ہے۔

ذرائع کے مطابق نگراں وزیراعظم نے خط میں مشترکہ چیلنجوں پر مل کر کام کرنے کے عزم کا اعادہ کیا۔

انوارالحق کاکڑ نے لکھا کہ پاکستان کے افغانستان کے ساتھ قریبی برادرانہ تعلقات ہیں، ان تعلقات کی جڑیں مذہب، ثقافت اور تاریخ سے جڑی ہوئی ہیں۔

نگراں وزیراعظم نے ملا محمد حسن اخوند کو لکھا کہ ہم پڑوسی اور بھائی ہیں۔ میں سیاسی، سلامتی، اقتصادی اور ثقافتی شعبوں میں تعلقات کو مضبوط بنانے کیلئے پُرعزم ہوں۔

خط میں مزید کہا گیا کہ علاقائی تجارت اور روابط میں اضافہ عوامی خوشحالی کے لیے ناگزیر ہے۔ مشترکہ مقاصد کو حاصل کرنے کے لیے جانفشانی سے کام کرنا چاہیے۔