پاکستان مسلم لیگ ن کی چیف آرگنائزر مریم نواز پیر کو لندن روانہ ہوں گی۔

پارٹی ذرائع کا کہنا ہے کہ مریم نواز پیر کو لندن جائیں گی اور اپنے والد نواز شریف کے ساتھ لندن سے پاکستان آئیں گی۔

واضح رہے کہ پارٹی قائد نواز شریف 21 اکتوبرکو لندن سےلاہور پہنچیں گے۔

قائد ن لیگ کی وطن واپسی کی تاریخ کا اعلان چند روز قبل شہباز شریف نے کیا تھا۔

ذرائع کا کہنا ہے کہ وطن واپسی پرامکان ہے کہ مسلم لیگ ن لاہور میں بڑے جلسے کا انعقاد کرے گی۔