پاکستان رینجرز سندھ نے چینی ذخیرہ اندوزوں کے خلاف کریک ڈاؤن کا آغاز کردیا ہے۔

ترجمان رینجرز کے مطابق حب ریور روڈ پر واقع گوداموں پر چھاپے کے دوران ایک لاکھ 40 ہزار چینی کے بیگ برآمد ہوئے ہیں۔

ترجمان کا کہنا ہے کہ ضبط کی گئی چینی کی مالیت ایک ارب سے زائد ہے، ذخیرہ شدہ چینی مبینہ طورپربلوچستان کے راستےافغانستان بھیجی جاتی تھی۔

رینجرز حکام کا کہنا ہے کہ برآمد شدہ چینی مزید قانونی کارروائی کے لیے سول انتظامیہ کے حوالے کردی گئی ہے۔