خیبرپختونخوا کے نگراں وزیراعلیٰ اعظم خان کی زیرصدارت ایپکس کمیٹی کا اجلاس ہوا، جس میں اہم فیصلے کئے گئے۔اجلاس میں طے پایا کہ صوبے میں مقیم افغان باشندوں کا ڈیٹا جمع کیا جائے گا۔

سوشل میڈیا پر اداروں کے خلاف نفرت پھیلانا ناقابل برداشت قرار دیا گیا۔

پشاور میں منعقدہ ایپکس کمیٹی اجلاس میں کور کمانڈر پشاور لیفٹیننٹ جنرل حسن اظہر حیات سمیت اعلیٰ عسکری و سول قیادت نے شرکت کی۔

اجلاس میں نیشنل ایکشن پلان پرعملدرآمد کا جائزہ لینے کے بعد صوبائی حکومت نے بڑی حکمت عملی بنالی۔ سوشل میڈیا پر اداروں کے خلاف نفرت پھیلانا ناقابل برداشت قرار دیا گیا۔

اہم بیٹھک میں دہشتگردوں کے سہولت کاروں کےخلاف سخت اقدامات اور غیرقانونی افغان باشندوں کا ڈیٹا اکٹھا کرنے کا فیصلہ بھی کیا گیا۔

ایپکس کمیٹی اجلاس میں منشیات کے کاروبارمیں ملوث افراد کےخلاف آپریشن کا فیصلہ بھی کیا گیا۔

یہ بھی پڑھیں :

وفاقی کابینہ ذیلی کمیٹی اجلاس، فرح گوگی اور شوہر سمیت 17 افراد کے نام ای سی ایل میں ڈالنے کی سفارش

پشاور کے علاقے داود زئی میں رات 10 بجے کے بعد لوگوں کے باہر نکلنے پرپابندی

نگراں وزیراعلیٰ اعظم خان کا کہنا تھا کہ جعلی نیوز پر کوئی رعایت نہیں برتی جائے گی، جبکہ بھتہ خوروں کےخلاف بھرپور ایکشن لیا جائےگا۔