اسلام آباد ہائیکورٹ نے سائفر کیس سماعت کی اٹک جیل منتقلی کیخلاف چیئرمین پی ٹی آئی کی درخواست پر فیصلہ محفوظ کرلیا۔

سماعت کے دوران چیئرمین پی ٹی آئی کے وکیل اورایف آئی اے پراسیکیوٹرکے دلائل مکمل ہونے پر اسلام آباد ہائیکورٹ کے چیف جسٹس عامرفاروق نے فیصلہ محفوظ کیا۔

چیئرمین پی ٹی آئی کے وکیل شیرافضل مروت نے وزارت قانون کا نوٹیفکیشن عدالت کے سامنے پڑھا۔

وکیل نے موقف اپنایاکہ وزارت قانون نے کس قانون کس اختیارکےتحت عدالت اٹک جیل منتقل کی ، اسلام آباد سےٹرائل کیسے پنجاب میں منتقل ہوسکتا ہے ؟ ٹرائل دوسرے صوبے منتقلی قانونی طورصرف سپریم کورٹ کرسکتی ہے۔

وکیل نے مزید کہا کہ چیف کمشنریا سیکرٹری داخلہ کا اختیارنہیں کہ وہ ٹرائل دوسرے صوبےمنتقل کریں۔

چیئرمین پی ٹی آئی کے وکیل اورایف آئی اے پراسیکیوٹرکے دلائل مکمل ہونے پرفیصلہ محفوظ کرلیا ۔