نگراں وزیراطلاعات مرتضیٰ سولنگی کا کہنا ہے کہ سعودی ولی عہد محمد بن سلمان کسی بھی وقت پاکستان کا دورہ کرسکتے ہیں۔

اطلاعات کے مطابق جی 20 کانفرنس کے لیے بھارت جانے والے سعودی ولی عہد سعودی پیر 11 ستمبر کی رات ساڑھے آٹھ بجے وہاں سے روانہ ہوں گے۔

اتوار کو جی 20 سربراہ اجلاس کے اختتام پر دیگر عالمی رہنماؤں کے روانہ ہونے کے بعد محمد بن سلمان پیر کو دو طرفہ دورے کے لیے بھارت میں ہی ٹھہرے تھے۔

بھارتی حکام کی جانب سے جاری کردہ اشیڈول میں کہا گیا ہے کہ سعودی ولی عہد مقامی وقت کے مطابق شام ساڑھے چھ بجے راشٹرپتی بھون میں بھارتی صدر صدردروپدی مرمو سے سے ملاقات کریں گے اور رات ساڑھے آٹھ بجے روانہ ہوجائیں گے۔

مرتضیٰ سولنگی نے چیئرمین پاکستان پیپلز بلاول بھٹو زرداری کے بیان کے حوالے سے کہا کہ 90 دن میں انتخابات کامطالبہ بلاول کا آئینی حق ہے۔

نگراں وزیراطلاعات کا کہنا تھا کہ ڈالر، تیل اورمنشیات فروش مافیا کے خلاف بلا تفریق کارروائی جاری رہے گی، پودے ہم لگا دیں گے ، پھل کوئی بھی کھائے۔