کوئٹہ میں سی ٹی ڈی کی کارروائی کے دوران فائرنگ کے تبادلے میں چار دہشتگرد ہلاک ہوگئے۔

ترجمان سی ٹی ڈی کے مطابق کوئٹہ کے نواحی علاقے اغبرگ میں سی ٹی ڈی کی کارروائی کے دوران فائرنگ کا تبادلہ ہوا جس کے نتیجے میں 4 دہشتگرد ہلاک ہوگئے ۔

ہلاک دہشتگردوں کا تعلق کالعدم تنظیم سے ہے، ہلاک دہشتگرد سیکیورٹی فورسز کی ٹارگٹ کلنگ میں ملوث تھے۔

ترجمان کے مطابق دہشتگردوں کے زیر استعمال گھر سے اسلحہ اور دیگر گولہ بارود برآمد ہوا جس میں خودکش جیکٹ، دستی بم، دھماکا خیزمواد سمیت دیگر سامان شامل ہے۔