لاہور میں نگران وزیراعلی پنجاب سے امریکا کے سفیر ڈونلڈ بلوم کی ملاقات ہوئی، دونوں شخصیات نے باہمی دلچسپی کے امور، دوطرفہ تجارت و سرمایہ کاری بڑھانے پر تبادلہ خیال کیا گیا۔

ملاقات میں زراعت، سیاحت، تاریخی عمارتوں کی بحالی کے حوالے سے تعاون کو فروغ دینے پربات چیت ہوئی۔

اس موقع پرمحسن نقوی نے کہا کہ پاکستان اور امریکا کے درمیان تعلقات کثیر الجہت نوعیت کے ہیں۔

وزیراعلی پنجاب نے کہا کہ سیڈ ڈویلپمنٹ کے حوالے سے کیلیفورنیا کے تجربے سے استفادہ کرنا چاہتے ہیں، پنجاب میں تاریخی عمارتوں کی بحالی کے حوالے سے امریکی تعاون کا خیرمقدم کرتے ہیں۔