آرٹی فیشل انٹیلی جنس (مصنوعی ذہانت) نے ہماری ذندگی کو آسان سے بنا دیا لیکن ساتھ ہی ٹیکنالوجی کے میدان میں مقابلہ بھی سخت ہوگیا ہے، اسی کے پیشِ نظر چین نے چیٹ جی پی ٹی کا اپنا متبادل تیار کرلیا ہے۔

میڈیا رپورٹ کے مطابق چینی ٹیک کمپنی بائیڈو نے چیٹ جی پی ٹی کے مقابلے میں اپنا ’ارین بوٹ‘ متعارف کروایا ہے تاکہ وہ ٹیک سیکٹر میں اپنے حریف کو شکست دے دسکے۔

رپورٹ میں بتایا کہ چینی حکومت نے رواں ماہ اے آئی ڈویلپرز کے لیے نئے ضوابط متعارف کرائے ہیں، جس کا مقصد انہیں چیٹ جی پی ٹی بنانے والی کمپنی اوپن اے آئی اور مائیکرو سافٹ کی دوڑ میں شامل رہنے کی اجازت دینا ہے، جبکہ آن لائن معلومات کو سختی سے کنٹرول کرنا ہے۔

چینی ٹیک کمپنی بائیڈو کا کہنا ہے کہ ہمیں یہ بتاتے ہوئے خوشی ہو رہی ہے کہ ’ارین بوٹ‘ 31 اگست سے عام افراد کے لیے مکمل طور پر دستیاب ہے۔

چینی ٹیک کمپنی بائیڈو ’ارین بوٹ‘ جو چیٹ جی پی ٹی کی حریف ایپ ہے، اس سے متعلق مزید اے آئی ایپس کا مجموعہ تیار کرنے کی کوشش میں ہے، تاکہ صارفین ایک اچھی سہولت مہیا کی جاسکے۔ چیٹ بوٹ مارچ میں جاری کیا گیا تھا لیکن اس کی دستیابی محدود تھی۔

بائیڈو کے سی ای او رابن لی کا کہنا ہے کہ ہم اپنی ایپ کو مزید بہتر بنانے کی کوشش کر رہے ہیں تاکہ لوگوں کے اچھے تاثرات کو حاصل کیا جاسکے۔

چین کی اس نئی ایپ میں وہ تمام فیچر موجود ہیں، جو چیٹ جی پی ٹی میں ہیں۔ رواں ماہ شائع ہونے والی گائیڈ لائن میں بتایا کہ اس میں سوشلزم کی بنیادی اقدار پر عمل کرنا اور قومی سلامتی کو خطرے میں ڈالنے سے گریز کرنا چاہیے۔

جمعرات کو اے ایف پی نیوز ایجنسی کے ذریعہ تجربہ کیا گیا تو، ارین بوٹ نے آسانی سے غیر معمولی سوالات کا جواب دیا جیسے چین کا دارالحکومت کیا ہے؟ اور “کیا آپ کو کوئی شوق ہے؟ جیسے پوچھے جانے والے سوال کا جواب دے گا۔

لیکن 1989 میں بیجنگ کے تیانمن اسکوائر پر جمہوریت کے حامی مظاہرین پر چین کی خونی پابندی جیسے حساس موضوعات پر اس نے کہا کہ ”آئیے موضوع کو تبدیل کریں اور دوبارہ شروع کریں“، جبکہ تائیوان کے معاملے پر بھی اس کا یہ ہی جواب تھا۔

بائیڈو چین کی سب سے بڑی ٹیک کمپنیوں میں سے ایک ہے لیکن اسے مختلف شعبوں میں دیگر کمپنیوں جیسے Tencent سے مقابلے کا سامنا کرنا پڑا ہے۔